ყველა შემზღუდავი ღონისძიება მელიას მიერ ირღვეოდა საჯაროდ, რა მოხდა 1 ნოემბერს ისეთი, რატომ ითხოვთ პატიმრობას? - პროკურატურა მელიას ადვოკატების მწვავე კითხვების პირისპირ

პოლიტიკა - 17:00, 17 Feb, 2021

938

თბილისის საქალაქო სასამართლოში ნაციონალური მოძრაობის თავმჯდომარის ნიკა მელიას პროცესი მიმდინარეობს.

თავად მელია სასამართლო პროცესს არ ესწრება და სასამართლოს, რომელიც პირდაპირ ეთერში გადაიცემა, პარტიის ოფისიდან, დანარჩენ ოპოზიციასთან ერთად ადევნებს თვალს.

სასამართლოს სიტყვით პროკურორმა უკვე მიმართა . ბრალდების მხარე აღკვეთის ღონისძიების სახით შეფარდებული 40 000-ლარიანი გირაოს პატიმრობით შეცვლას ითხოვს. დაცვის მხარე კი აცხადებს, რომ ნიკა მელია აღკვეთის ღონისძიების გარეშე უნდა დარჩეს.

მწვავეა ნიკა მალიას უფლებადამცველების შეკითხვები.

" მელია არ ემორჩილებოდა შემზღუდავ განკარგულებას, მას ჰქონდა აკრძალული სახლიდან გასვლა, საჯარო თავშეყრის ადგილებში გამოჩენა, სიტყვით ბგამოსვლა და ასე შემდეგ, ანუ სასამართლოს მიერ შერჩეული ყველა შემზღუდავი ღონისძიება ნიკა მელიას მიერ ირღვეოდა საჯაროდ 2019 წლის 27 ივნისიდან და ირღვეოდა ყოველდღე. შესაბამისად, შეკითხვა მაქვს - რა მოხდა 1 ნოემბერს ისეთი, რაც მანამდე არ მომხდარა და რის გამოც პროკურატურამ აღკვეთის სახით პატიმრობა მოითხოვა?", - მიმართა პროკურორ მიხეილ სადრაძეს ადვოკატმა გიორგი კონდახაშვილმა.

ბრალდების მხარის მტკიცებით, 1 ნოემბრამდე, ანუ იმ დღემდე, როცა ნიკა მელიამ ელექტრონული სამაჯური მოიშორა პროკურატურა ინფორმირებული იყო მისი გადაადგილების შესახებ.

შოთაძის უწყების წარმომადგენლები ამბობენ, რომ მიუხედავად, რომ ნიკა მელიას მხრიდან ირღვეოდა პირობები, ეს დარღვევები ბრალდებას არსებით დარღვევად არ მიუჩნევია.

ამის საპასუხოდ, ადვოკატებმა დასვეს შეკითხვა: "კანონის რომელი მუხლი იძლევა განმარტებას, რომელია შეზღუდვის პირობების არსებითი და არაარსებითი დარღვევა?"

"ჩვენი შეფასებით, 1 ნოემბრამდე არსებული დარღვევები არსებითი ხასიათის არ იყო", - განაცხადა სხდომაზე პროკურორმა მიხეილ სადრაძემ.