ნაციონალური მოძრაობის ოფისში მოვიდნენ ისეთი პოლიტიკოსები, რომლებიც წლების განმავლობაში ენმ-ს ქუჩაში ებრძოდა და მათ ლიდერებს გამარჯობასაც არ ეუბნებოდა.
მეტიც, ოპოზიცია თანხმდება, რომ პოლიტიკური ვერდიქტის შემთხვევაში, სამართალდამცავებს მელიას არ გაატანენ და ოპოზიციის ლიდერები კოლეგას ფიზიკურად დაიცავენ.
"სასამართლომ რა გადაწყვეტილებაც არ უნდა გამოიტანოს, ნიკა მელიას დაკავება უსამართლო იქნება"- ასე ეხმაურება ერთიანი ნაციონალური მოძრაობის წარმომადგენელი გიორგი ხვედელიანი პარტიის თავმჯდომარის წინააღმდეგ მიმდინარე პროცესებს.
"რა გადაწყვეტილებაც არ უნდა გამოიტანოს სასამართლომ ყველამ ვიცით, რომ ნიკა მელიას დაკავება იქნება უკანონო. საქმე არის თავად უკანონო.
ნიკა მელია არ აპირებს ამ პროცესზე მიყოლას და ჩაბარებას, რადგან ის მართალია. ეს არის მისი და პარტიის პოზიცია. " - აცხადებს გიორგი ხვედელიანი.
მასალის გამოყენების პირობები






