ნიკა მელიას ამბავი და “უბიძინო საჭემოშლილი“ ოცნება

პოლიტიკა - 10:00, 17 Feb, 2021

893

ნიკა მელიას ამბავმა მიტაცებული სახელმწიფოს გამოაჩინა - ამის შესახებ კოტე კემულარია ფეისბუქის გვერდზე წერს. ტრიბუნას ერთ-ერთი ლიდერი „უბიძინო ოცნებას“ ქვეყნისთვის კიდევ უფრო სახიფათოდ მიიჩნევს, ხოლო ხელისუფლებიდან მმართველი პარტიის ჩამოშორებას - გადაუდებელ ამოცანად.

“ბიძინამიტოვებულმა” და საჭემოშლილმა ოცნებამ ავადმყოფური რეაქცია გამოავლინა მელიას ლიდერად დამკვიდრებაზე.

კობახიძემ და “ბიჭებმა” გადაწყვიტეს პროკურატურის გამოყენებით დაეჩაგრათ მელია.

კანონი არ იცნობს ერთხელ გადახდილი გირაოს მეორედ დაკისრებას, გაზრდილი თანხით. გირაოს დარღვევისას კანონი პირდაპირ ითხოვს პატიმრობას.

“ბიჭების” მიზანი იყო მელიას თანხით დასჯა და ამით ბრავირება. დაპატიმრების

ერთი ადგილი მათ არ ქონდათ.

მათ ენაზე რომ ვთქვა — მელიამ “არ შეიწერა”. ამან “ბიჭები” თავის ხაფანგში გააბა.

კობახიძეს გავრილოვი ინფორმირებული ყავდა. მან განაცხადა - იმუნიტეტის მოხსნა , მელიას დაპატიმრებას არ ნიშნავსო.

გავრილოვის შექებამ ოცნება სულ გააშიშვლა და მიჯირყვნა.

აშკარა გახდა, რომ “უბიძინო”ოცნება კიდევ უფრო სახიფათოა ქვეყნისთვის. მისი საჭიდან სასწრაფოდ ჩამოშორება არის გადაუდებელი ამოცანა.

ხალხი, სამოქალაქო საზოგადოება, პოლიტიკური ძალები-ყველა ვისაც ეს ქვეყანა გვტკივა, დავდგეთ ერთად.

გავრილოვი ღიად აცხადებს, რომ აპირებს ოცნებასთან ჩამოსვლას თბილისში. ეს არ უნდა მოხდეს.

ნიკამ აჯობა “ოცნებას”. კანონი აქ არაფერ შუაში არის. ამ ამბავმა მთავარი თემა — “მიტაცებული სახელმწიფო” გამოაჩინა.