პარლამენტის პლენარულ სხდომაზე, სადაც მელიასთვის სადეპუტატო მანდატის გაუქმბის საკითხს განიხილავენ, "მოქალქეების" ერთ-ერთმა ლიდერმა ლევან იოსელიანმა განაცხადა, რომ მელიასთვის იმუნიტეტის მოხსნას სამართლებრივი საფუძველი არ გააჩნია. მისი თქმით, ის ვერ ხედავს იმის წინაპირობას, რომ ენმ-ს თავმჯდომარე საპატიმროში მოხვდეს:

"იმუნიტეტის არსი არის, რომ დაცული იყოს ჩვენი გამოხატვის თავისუფლება და დაცული იყოს ის პოლიტიკური რისკი, რასაც ჩვენ პოლიტიკოსები ავიღებთ კონკრეტულ შემთხვევაში. ჩათვალეთ, რომ ეს არის ნიკა მელიას პოლიტიკური პროტესტის ფორმა და თუ პოლიტიკური პროტესტის ფორმა დაცულია იმუნიტეტით, მაშინ რატომ უხსნით იმუნიტეტს.

იმ პირობებში, როცა წინაპირობა არ არსებობს, რომ სასამართლოს პატიმრობა გამოეყენებინა, ჩვენ რატომ ვქმნით ამის წინაპირობას და ვაძლევთ მწვანე შუქს, რომ ეს ადამიანი მოხვდეს საპატიმროში", - განაცხადა იოსელიანმა.

შეგახსენებთ, ამ წუთებში პლენარულ სხდომაზე ნიკა მელიასთვის მანდატის გაუქმების საკითხს განიხილავენ.