ქართული ოცნების წევრი დიმიტრი ხუნდაძე მოქალაქეების ლიდერ ალეკო ელისაშვილს პარლამენტის პლენარულ სხდომაზე მიმართავს.

"თქვენ რომ გაკადრათ და გასცდა ზღვარს, ეს კიდევ ასატანია, მაგრამ როცა სამართალს კადრებს და სამართლებრივ ზღვარს სცდება, ეს სწორედ ის არის, რაც უქმნის საფრთხეს იმ ქვეყანას, რომელშიც ჩვენ გვინდა, ვიცხოვროთ.

მელიამ შემოგითვალათ, რომ შემოვა და ხელით გაგიყვანთ, მე არამგონია, რომ ხელში აყვანით გაყვანას გთავაზობთ. რა თქმა უნდა, ეს მიუღებელია, მე მინდა ისეთი ქვეყანა, რომ თქვენ ხელით არ გაგიყვანენ აქედან და ქვეყანაში სამართალი იქნება დაცული"- აცხადებს "ოცნების" დეპუტატი.

ცნობისთვის, ელისაშვილი მელიას გირაოს გადახდის ინიციატივით გამოვიდა, რაზეც მელიამ მას უთხრა, რომ "მისი ხელით გამოიტანს პარლამენტიდან".