"ვერ გაბედავთ და ვერ დააკავებთ ნიკა მელიას" - ასე მიმართავს ერთიანი ნაციონალური მოძრაობის ერთ-ერთი ლიდერი ხატია დეკანოიძე მმართველ პარტიას.

"მინდა მივმართო ქართულ ოცნებას, უფრო სწორად გავრილოვის ყველა იმ მსახურს, რომლებიც ახლა პარლამენტის შენობაში არიან შეკრებილები, ვერცერთ შემთხვევაში, ვერ გაბედავთ და ვერ დააკავებთ ნიკა მელიას.

გასაგებია, რომ ისინი ასრულებენ გავრილოვის მითითებებს სამარცხვინოა ეს, ასრულებენ ოკუპანტის, კერძოდ გავრილოვის, პუტინის, ლავროვის და ა.შ მითითებებს, მაგრამ მე და ჩემი მეგობრები, ყველა ის ადამიანი ვინც 20 ივნისს აპროტესტებდა გავრილოვის ჩამობრძანებას და წამოსკუპებას საქართველოს პარლამენტის სპიკერის სავარძელში, ვაცხადებთ ღიად - არ არსებობს მექანიზმი, რითაც შეძლებენ ნიკა მელიას წინააღმდეგ აღასრულონ ის მახინჯი კანონი, რომელიც დღეს საქართველოში არსებობს" - აცხადებს დეკანოიძე.