იურიდიულ საკითხთა კომიტეტის თავმჯდომარის ანრი ოხანაშვილის განმარტებით, მელიას ადვოკატები პარლამენტში იმიტომ არ შეუშვეს, რომ მათ სხდომაზე დასწრების მოთხოივნით კომიტეტისთვის ოფიციალურად არ მიუმართავთ. მანვე აღნიშნა, რომ კომიტეტი სასამართლო არაა, რომ დაცვის და ბრალდების მხარეებს მოუსმინოს, შემდგომ შევიდეს სიღრმეებში და საქმის მასალები მოითხოვოს:

"კომიტეტს არანაირი ოფიციალური განცხადება, მომართვა არ მიგვიღია ვინმეს მონაწილეობასთან დაკავშირებით, ჩვენთვის შემდგომ გახდა ცნობილი, რომ ადვოკატები აპირებდნენ დასწრებას, მგონი, მოსულებიც იყვნენ, თუმცა მომართვა ოფიციალური კომიტეტში არ შემოსულა გუშინ, რომ ვინმეს ჰქონდა დასწრების სურვილი. კომიტეტი სასამართლო არაა, რომ დაცვის და ბრალდების მხარეებს მოუსმინოს, შემდგომ შევიდეს სიღრმეებში და საქმის მასალები მოითხოვოს, ეს გამოიწვევდა სასამართლოს კომპეტენციაში შეჭრას, რისი უფლებამოსილებაც კომიტეტს არ გააჩნია"- განაცხადა ოხანაშვილმა.