საქართველოში ხვალ ეუთო-ს მოქმედი თავმჯდომარე, შვედეთის საგარეო საქმეთა მინისტრი ენ ლინდე ჩამოდის - ამის შესახებ ინფორმაცია ეუთო-ს ოფიციალურ გვერდზეა გამოქვეყნებული.

ეუთოს ცნობით, ლინდე შეხვდება პრეზიდენტს ზურაბიშვილს, პრემიერ გახარიას, პარლამენტის თავმჯდომარე თალაკვაძეს, საგარეო საქმეთა მინისტრ ზალკალიანს და შერიგებისა და სამოქალაქო თანასწორობის საკითხებში სახელმწიფო მინისტრ თეა ახვლედიანს.

ლინდე ​ ასევე შეხვდება სამოქალაქო საზოგადოების წევრებს და ქართული მედიისთვის განცხადებას გააკეთებს.

"მოქმედი თავმჯდომარე ასევე შეხვდება საქართველოს პარლამენტის თავმჯდომარეს არჩილ თალაკვაძეს, პარლამენტისა და სამოქალაქო საზოგადოების წევრებს. ის ასევე ქართული მედიისთვის განცხადებას გააკეთებს“, - აღნიშნულია ინფორმაციაში.