"ქართული ოცნების" დეპუტატი, ბექა ოდიშარია , მეორედაც გეგმავს ნიკა მელიასთვის სადეპუტატო მანდატის გაუქმებისთვის ხმის მიცემას და აცხადებს, რომ მელია თავად იწყვიტავს იმუნიტეტს.

ოდიშარიას განმარტებით, კანონს ვერ გადააბიჯებენ , რადგან მისივე თქმით, "ახალი დემოკრატიული სახელმწიფოს აქამდე ნაშენები ნაგებობა დაგვენგრევა საფუძვლამდე".

"ნიკა მელიას ჩვენ კი არ უწყვიტავთ, თავად იწყვიტავს იმიტომ, რომ ჩვენ კანონს ვერ გადავაბიჯებთ. გამორიცხულია და ჩვენ რომ კანონი დავარღვიოთ, ხვალ სხვა დაარღვევ, ზეგ სხვა იქნება ხელისუფლებაში ის დაარღვევს და ნიშნავს, რომ ეს ახალი დემოკრატიული სახელმწიფოს აქამდე ნაშენები ნაგებობა დაგვენგრევა საფუძვლამდე" - განმარტავს ბექა ოდიშარია.

შეგახსენებთ, რომ ხვალ, 16 თებერვალს ერთპარტიული პარლამენტი ნიკა მელიასთვის დეპუტატის იმუნიტეტის მოხსნას უყრის კენჭს - "ქართულ ოცნებას" პოლიტიკური გადაწყვეტილება მიღებული აქვს. რაც იმას ნიშნავს, რომ მელიას სადეპუტატო იმუნიტეტს კიდევ ერთხელ მოუხსნის და პროკურატურას მის დასაკავებლად გზას გაუხსნის.