მელიას მიერ სიცრუე იღვრება, საქართველოს მმართველი პარტია კი ყველაფერს აკეთებს, რომ ქვეყანაში აღარ იყოს გადატრიალებები

მელიას მიერ სიცრუე იღვრება, საქართველოს მმართველი პარტია კი ყველაფერს აკეთებს, რომ ქვეყანაში აღარ იყოს გადატრიალებები - გავრილოვი

პოლიტიკა - 17:43, 15 Feb, 2021

867

რუსეთის დუმის დეპუტატი სერგეი გავრილოვი, რომლის საქართველოში ვიზიტსა და საკანონმდებლო ორგანოში შეყვანას ოპოზიციისა და საზოგადოების ფართომასშტაბიანი აქციები მოჰყვა, ტვ პირველთან ამბობს, რომ საქართველოს ხელისუფლება ყველაფერს აკეთებს ქვეყანაში გადატრიალების თავიდან ასაცილებლად. რუსმა დეპუტატმა ნაციონალური მოძრაობის თავმჯდომარე ნიკა მელია ტყუილში დაადანაშაულა. აღსანიშნავია რომ სწორედ გავრილოვბის ღამეს განვითარებული მოვლენების გამო საქართველოს ხელისუფლება ყველაზე დიდი ოპოზიციური ძალის თავმჯდომარის დაჭერას აანონსებს:
"საქართველოს მმართველი პარტია აკეთებს ყველაფერს, რომ ქვეყანაში აღარ იყოს სახელმწიფო გადატრიალებები, სახელმწიფო ამბოხებები, რეპრესიები და დიქტატურა. ჩვენ მზად ვართ, მხარი დავუჭიროთ ქართველი ხალხის თავისუფალ არჩევანს, მისი დამოუკიდებკლობისა და სუვერენიტეტის სასარგებლოდ. ოპოზიციისა და გადატრიალებაში მონაწილეების ერთ-ერთი მიზანია, მაქსიმალურად გაართულონ და გაწყვიტონ საქართველოს ურთიერთობა ეკონომიკურ, სულიერ და კულტურულ საკითხებში მის შესაძლო პარტნიორებთან, მოახდინონ საქართველოს მაქსიმალური დისკრედიტაცია და მოწყვიტონ ის მეგობრებისგან. ის სიცრუე, რომელიც იღვრება მაშინდელი მოვლენების ინტერპრეტირებისას ბატონი მელიას მიერ, რომელსაც მე არ ვიცნობ, ადასტურებს, რომ სიცრუის ხარჯზე ცდილობენ შელახონ საქართველოს იმიჯი მისი მეზობლების თვალში" - აცხადებს გავრილოვი.

აღსანიშნავია ისიცვ, რომ 20 ივნისი8ს სისხლიანი ღამის შემდეგ რუსეთსი დაბრუნებულმა გავრილოვმა ოპოზიციის ლიდერების დასჯა მოითხოვა.