"რესპუბლიკური პარტიის" ერთ-ერთი ლიდერი ხათუნა სამნიძე ენმ-ს თავმჯდომარის ნიკა მელიას შესაძლო დაკავებას ეხმაურება და აცხადებს, რომ ოპოზიციონერი ლიდერის დაკავება მთელი ქვეყნისთვის დიდი პრობლემა იქნება, რამაც, შესაძლოა, მოლაპარაკებები ჩაშალოს. ის მოუწოდებს ხელისუფლებას, რომ მელიასთვფის მანდატის ჩამორთმევამდე გაითვალისწინოს ქვეყანაში არსებული პოლიტიკური ვითარება:

„ნიკა მელიას საკითხი დღეს არის ყველაზე მნიშვნელოვანი და აქტუალური იმ თვალსაზრისით, რომ ჩვენ მასთან ერთად ვაცხადებთ, რომ ძალიან გაუჭირდება და ვერ შეძლებს ეს ხელისუფება ამ ნაბიჯის გადადგმას, რომ ის დააკავოს. მე მინდა მოვუწოდო ყველა ადამიანს, ვინც ხმა უნდა მისცეს უფლებამოსილების მოხსნას, რომ გაითვალისწინოს შექმნილი პოლიტიკური ვითარება, იმიტომ, რომ სიტუაციის დაძაბვა, ნიკა მელიას, მთავარი ოპოზიციური პარტიის ლიდერის დაკავება, იქნება პრობლემა მთელი ქვეყნისთვის, რაც შეწყვეტს ყველანაირ მოლაპარაკებას და ყველანაირ შესაძლებლობას, იმედი მაინც გვქონდეს იმის, რომ შესაძლოა შეთანხმება შედგეს. ეს პროცესი ყველაფერს დაასრულებს“, - განაცხადა ხათუნა სამნიძემ.