ეროვნულ-დემოკრატიული პარტიის ლიდერი ბაჩუკი ქარდავა "გირჩის" მიერ გაკეთებულ განცხადებებს გამოეხმაურა და განაცხადა, რომ ხვიჩია და მეგრელიშვილი ხელისუფლების დავალებას ასრულებენ. მისი შეფასებით, ენმ-ს თავმჯდომარის ნიკა მელიას შესაძლო დაკავების მოლოდინში მსგავსი განცხადებები ოცნების ინტერესს ემსახურება:

"აქ არიან შეკრებილი ადამიანები, პოლიტიკური პარტიების ლიდერები, რომლებიც არიან არალეგიტიმური პარლამენტის ბოიკოტის მომხრენი და გირჩი თავიდანვე ეწინააღმდეგებოდა ერთიანი ოპოზიციის პოზიციას. მათი ადგილი არ არის ოპოზიციაში, ისინი თამაშობენ ხელისუფლების თამაშს. იმ ფონზე, რაც დღეს ქვეყანაში ხდება, როცა ადგილი აქვს ნიკა მელიას პოლიტიკურ დევნასა და მისი დაპატიმრების მცდელობას, ასეთი განცხადებები გირჩის მხრიდან მხოლოდ ხელისუფლების ინტერესებს ემსახურება" - განაცხადა ბაჩუკი ქარდავამ.

შეგახსენებთ, რომ გირჩის ლიდერმა იაგო ხვიჩიამ ოპოზიცია "მიშას თამაშში" დაადანაშაულა.