„გირჩის“ ლიდერებმა იაგო ხვიჩიამ და ვახო მეგრელიშვილმა „ლეიბორისტული პარტიის“ ოფისში ოპოზიციის შეხვედრა დატოვეს.

ზხვიჩია ირწმუნება, რომ ოპოზიციის წარმომადგენლებისგან მოისმინეს, რომ „მიშას თამაშს თამაშობენ“.

„ფაქტობრივად ხალხმა, რომელიც „ლეიბორისტული პარტიის“ ოფისშია, ერთხმად დაგვიდასტურა, რომ ისინი მიშას თამაშს თამაშობენ. მაგალითად, კახა კუკავამ მითხრა, გვაცალეთ, მიშას თამაშის თამაში. ზოგადად, განწყობაც ეს იყო, სადაც აღვნიშნეთ, რომ მიშას თამაშში ჩვენი ადგილი არ არის. ჩვენ სამი საკითხი გვქონდა, რომლის განხილვაც გვინდოდა და ფაქტობრივად ეს სამი საკითხი ისეთი იყო, რომელზეც მსჯელობა თუ დაიწყებოდა აღმოჩნდებოდა, რომ რაც ჩვენ გვინდოდა ის იყო სამართლიანი. ფაქტობრივად გვითხრეს, რომ ოპოზიცია გადადის სხვა „მოუდზე““,- განაცხადა ხვიჩიამ.

ვახტანგ მეგრელიშვილი ამბობს, რომ ისინი მთავარი ოპოზიცია არიან.

"ძალიან მალე დავტოვეთ. მიზეზი იყო ის, რომ კითხვები დავსვით და ამ კითხვებზე პასუხი ვერ მივიღეთ. გავიდნენ გარეთ და სიგარეტის მოწევა დაიწყეს. ჩვენ ვართ მთავარი ოპოზიცია. შევეცდებით, დავაკვირდეთ როგორ განვითარდება მელიასთან დაკავშირებული სიტუაცია", - ამბობს მეგრელიშვილი.