"გადავარჩინოთ ბახმარო", "ბახმარო ბიძინას ბოსტანი არ არის" - ამ ლოზუნგებით პარლამენტის წინ ამ წუთებში საპროტესტო აქცია იწყება.

აქციის მონაწილეები ბახმაროს რეკრეაციულ ზონაში ჰესის მშენებლობას აპორტესტებენ და ამბობენ, რომ ის საფრთხეს შეუქმნის მდინარის ხეობას, კურორტ ბახმაროსა და მთლიანად რეგიონს.

"რაც ბახმაროში ხდება, მაფიოზურად მართვის კლასიკური მაგალითია და ეწინააღმდეგება მოქალაქეების ინტერესებს. ყველა სპეციალისტის დასკვნით, ჰესი დააზიანებს გარემოს და მოგვიჭრის ეკონომიკურ შესაძლებლობებს", - ამბობს ელენე ხოშტარია.

აღნიშნულ საკითხზე სამოქალაქო აქტივისტებმა პეტიციაზე ხელმოწერების შეგროვება დაიწყეს და იქვე მდგომ სამართალდამცავებსაც შესთავაზეს, თუმცა, მათ ამაზე უარი განაცხადეს.