"დასაჭერები ცდილობენ დაიჭირონ თავიანთი ოპონენტები... ნიკა მელია ქოცების ეპილოგია, მისი დაჭერით დაასრულებენ არა ოპოზიციას, არამედ თავიანთ ხელისუფლებას"

"დასაჭერები ცდილობენ დაიჭირონ თავიანთი ოპონენტები... ნიკა მელია ქოცების ეპილოგია, მისი დაჭერით დაასრულებენ არა ოპოზიციას, არამედ თავიანთ ხელისუფლებას" - ბაჩუკი ქარდავა

პოლიტიკა - 23:08, 13 Feb, 2021

1531

"ფაქტია, ნიკა მელია ოცნების ეპილოგია" - ასე ეხმაურება ეროვნულ-დემოკრარტკიული პარტიის ლიდერი, ბაჩუკი ქარდავა "ქართული ოცნების" გადაწყვეტილებას ნიკა მელიასთვის საპარლამენტო იმუნიტეტის მოხსნის თაობაზე.

გაერთიანებული ოპოზიციის ერთ-ერთი ლიდერი ამბობს, რომ ნიკა მელიას არჩევანი, ეს არის ოცნების დამარცხების იდეალური ტაქტიკა, სადაც ხელისუფლება, მისივე თქმით, მორალური კატასტროფინის წინაშე დგას, ხოლო გამოსავალი, ქარდავას შეფასებით ერთადერთია - ვადამდელი არჩევნები და ხელისუფლების მშვიდობიანი გადაბარება.
მისივე თქმით, "ოცნების" ხელისუფლება, მელიას დაპატიმრებით საკუთარ თავს დაასრულებს.
"დასაჭერები ცდილობენ დაიჭირონ თავიანთი ოპონენტები, ადამიანები, რომლებსაც რეალურად შეუძლია შეცვალონ ეს ხელისუფლება. მელიას დაპატიმრებით დაასრულებენ არა ოპოზიციას, არამედ თავიანთ თავს, თავიანთ ხელისუფლებას" - განაცხადა ედპ-ის ლიდერმა, რომელიც სოციალურ ქსელში ასევე წერდა:
"ნიკა მელია - ქართული ოცნების დილემა, ოპოზიციის ლიდერი, რომელმაც პირადი თავგანწირვით და პრინციპულობით ივანიშვილის ოროსნები კუთხეში მიაყენა. ნიკა მელიამ ქოცების დამარცხების იდეალური ტაქტიკა შემოგვთავაზა, მარტივად:არ დაემორჩილო რეჟიმს!დღეს ხელისუფლებას მძიმე არჩევანი უდგას - ერთპარტიულმა პარლამენტმა მორიგ ჯერზე კვლავაც გაწიროს მელია და დაასრულოს მორალური კატასტროფით ან დანებდეს და ნელნელა გააგრძელოს სვლა ვადამდელი არჩევნებისკენ. უკეთესი გამოსავალი უბრალოდ არ არსებობს... ფაქტია, ნიკა მელია ქოცების ეპილოგია!!...." - აცხადებს ბაჩუკი ქარდავა.