“ევროპული საქართველოს” ყოფილი სახე და ერთერთი ლიდერი გიგი უგულავა ყრილობის შემდეგ პარტიიდან ლიდერთა ნაწილის წასვლასთან დაკავშირებით “ტაბულას” დამფუძნებლის, თამარ ჩერგოლეიშვილის რეაქციას ეხმაურება და ამბობს, რომ “მისი პოზიცია ბიძინას ტელევიზიების პოზიციას დაემთხვა”.

“სასაცილო, სამწუხაროდ, არის ის, რომ მისი პოზიცია დაემთხვა ბიძინას ტელევიზიების პოზიციას, ეტყობა, რაღაცნაირად, ფსკერი საერთოა, კედლების გარეშე. კომენტარადაც არ ღირს, სასაცილოა და ბრიყვულია. რა კონსპირაციას ვქმნით აქედან – მე და მიშა შევეკარით და პარტია დარჩა მიშას? რომელიმე ვგევართ ეგეთ ალტრუისტს? სასაცილოა”, – თქვა გიგი უგულავამ.

შეგახსენებთ, ევროპული საქართველოს ლიდერების – დავით ბაქრაძის, გიგი უგულავას, ზურაბ ჭიაბერაშვილის განცხადებების შემდეგ თამარ ჩერგოლეიშვილმა მათი პოზიციები უკრაინაში მყოფ საქართველოს მესამე პრეზიდენტს მიხეილ სააკაშვილს დაუკავშირა და დაწერა: “რა ლ’ამაზი “განახლების გეგმა” დადებულა კიევში”