საქართველოს პრემიერ-მინისტრი პარტიის ახალ თავმჯდომარესთან დაპირისპირებას არ ადასტურებს. გახარია დღეს შეეცადა ჟურნალისტები დაერწმუნებინა, რომ ირაკლი კობახიძე მისი კარგი მეგობარია.

გახარიას მტკიცებით, ისინი აკეთებენ ერთ საქმეს და ამ თემაზე სპეკულაციები უნდა დასრულდეს.

"ირაკლი კობახიძე არის "ქართული ოცნების" გუნდის ღირსეული ლიდერი და ჩემი კარგი მეგობარი. ამით ეს სპეკულაციები უნდა დასრულდეს. ჩვენ ვაკეთებთ ერთ საქმეს და როდესაც ვხედავთ, რომ ზოგიერთ მედიას, გარდა იმისა საფუძველი ჭორების არ აქვს, გახარია დაესწრო პოლიტსაბჭოს თუ არა, მე პოლიტსაბჭოს ხანდახან ვერ დავესწრები, მხოლოდ გრაფიკიდან გამომდინარე. ბევრი საქმეა ქვეყანაში," - განაცხადა გიორგი გახარიამ.