"ქართული ოცნების" ოფისთან დაკავებული აქტივისტი, ნიკა ნარსია, დღეს გაათავისუფლეს - სასამართლო პროცესი 26 თებერვლამდე გადაიდო.

ნიკა ნარსია აცხადებს, რომ მას ოქმი წარუდგინეს, სადაც წერია, რომ ის პოლიციას ხელს უშლიდა მეორე აქტივისტის, რუსკა მჭედლიძის დაკავებაში, თუმცა, მისივე თქმით, მჭედლიძის დაკავების პროცესში თავად უკვე დაკავებული იყო.

შეგახსენებთ, რომ ქართული ოცნების" ოფისთან ე.წ დაუმორჩილებლობის აქციის დროს სამოქალაქო აქტივისტებსა და პოლიციას შორის დაპირისპირება მოხდა, რა დროსაც 2 პირი დააკავეს. ​აქტივისტები შენობაზე წარწერების გაკეთებას ცდილობდნენ, რისი საშუალებაც მათ სამართალდამცველებმა არ მისცეს.

აქვე გეტყვით, რომ ერთ-ერთი დაკავებული, რუსკა მჭედლიძე რამდენიმე საათში გაათავისუფლეს.