ივერი მელაშვილის ადვოკატი ედუარდ მარიკაშვილი ალავერდელ მიტროპოლიტ დავითს ეხმაურება და აცხადებს, რომ აზერბაიჯანთან საზღვრის გავლების შესახებ სინოდის გადაწყვეტილებაზე მღვდელმთავრის განცხადება მრავალ ფაქტობრივ უზუსტობას შეიცავს.

მარიკაშვილის განმარტებით, 1937-38 წლების რუკა, რომელიც საქართველოს ხელისუფლებას რუსეთში მოღვაწე ქარველმა ბიზნესმენმა, დავით ხიდეშელმა მიაწოდა, სინამდვილეში 1933-34 წლების საფუძველზეა დაბეჭდილი, 1938 წელს კი - გამოცემული - მისივე თქმით, 1996 წელს სახელმწიფოები არა 1:200 000 რუკების გამოყენების აუცილებლობაზე, არამედ 1:500 000 მასშტაბის რუკაზე დატანილი 1938 წელს ორმხრივად შეთანხმებული ხაზის გამოყენებაზე შეთანხმდნენ.

შეგახსნებთ, რომ მეუფე დავითმა სინოდის სხდომის დასრულების შემდეგ საპატრიარქოს ტელევიზიასთან განაცხადა, რომ აზერბაიჯანთან საზღვრის დელიმიტაციის პროცესში სინოდმა სწორედ იმ რუკის გამოყენების აუცილებლობა დაადგინა, რომლის გადამალვასაც პროკურატურა დაკავებულ კარტოგრაფებს, ივერი მელაშვილსა და ნატალია ილიჩოვას ედავება.