მეუფე პეტრე კარტოგრაფების საქმეზე საუბრისას აცხადებს, რომ რუსული პროექტია, რომელშიც საპატრიარქო მონაწილეობს - მისივე თქმით, ეს წინასაარჩევნო კამპანიის ნაწილი იყო.

მეუფე პეტრემ აღნიშნა, რომ სინოდს უნდა მიეწვია კარტოგრაფები, მათი ადვოკატები და მამა კირიონი და ესაუბრათ ოჯახურად ამ თემაზე.

"ქრისტიანულ, მართლმადიდებლურ, კაცთმოყვარე სინოდს უნდა მოეწვია. სინოდს სხდომის ერთი დღე უნდა დაეთმო ამ საქმისთვის, მოეწვა კარტოგრაფები თავიანთი უფლებადამცველებით, მოეწვია მამა კირიონი და იქვე ემსჯელათ, ოჯახურად ემსჯელათ, თუ რასთან გვქონდა საქმე და ძალიან მარტივია, მაშინ, როდესაც ფაქტია, რომ ამ ხელისუფლების პირობებში უკვე იქ სამხედრო ბაზა თუ სასაზღვრო პუნქტი განთავსდა და ამაზე ხმას არ იმაღლებს. მაშინ როდესაც ამ ხელისუფლების პირობებში შეუძლებელია უდაბნოს მოლოცვა: მონასტრისა და კოშკის ასევე მიახლდება და ასე შემდეგ. ეს ყველაფერი არის რუსული პროექტი, რომელსაც ასევე ხელისუფლებასთან ერთად ასრულებს და მონაწილეობას ღებულობს საქართველოს საპატრიარქო და ამ საპატრიარქოში - სამღვდელოებისა და თუ ადამიანთა უმეტესი ნაწილი ნებსით, გააზრებული აქვს თუ რა ბოროტებას ჩადიან", - თქვა მეუფე პეტრემ "დღის სტუმარში".

ცნობისთვის, სინოდის დღევანდელ სხდომაზე დავით გარეჯზეც იყო საუბარი. ამაზე მღვდელმთავრებმა სხდომის დასრულების შემდეგ გაკეთებულ კომენტარებში განაცხადეს.