"ყოველ ათ სიტყვაში ნახევარს იტყუება, ცრუ ეპისკოპოსია..."- მეუფე პეტრე მეუფე ნიკოლოზზე

საზოგადოება - 20:45, 11 Feb, 2021

1229

მეუფე ნიკოლოზის განცხადებას, რომელიც წმინდა სინოდის სხდომის შემდეგ გააკეთა, მეუფე პეტრე ეხმაურება და აცხადებს, რომ "მეუფე ნიკოლოზი ბოროტის შვილი და ცრუ ეპისკოპოსია".

მეუფე პეტრე აცხადებს, რომ ყოველ ათ სიტყვაში, ლამის ნახევარს იტყუება, ცრუობს.

მისივე თქმით, მეუფე ნიკოლოზი დეკანოზ გიორგი მამალაძესთან დაკავშირებითაც იტყუება და ე.წ. მატროსოვის ციხეში ყოფნის დროს ყველა მოინახულა, გარდა მსჯავრდებული დეკანოზისა.

"ბიბლიის თანახმად სიცრუის მამა არის დემონი და მეუფე ჩემთვის არ არის ეპისკოპოსი, ცრუ ეპისკოპოსია, ვინაიდან ის ბოროტის შვილია და არა ღვთის შვილი თავისი საქციელიდან გამომდინარე. ყოველ ათ სიტყვაში, ლამის ნახევარს იტყუება, ცრუობს. იტყუება თითქოს მე პატრიარქი არ მიმხელია სინოდის სხდომაზე, თავისი ამ მძიმე ბრალდებით...

2018 წლის ქრისტე შობაზე. მატროსოვის ე.წ. საპყრობილეში შევიდა: პოლიტპატიმრები, ვინც იყვნენ, ყოფილი ჩინოვნიკები ყველა მოინახულა, პატრიარქის კურთხევით და გადასცა საჩუქრები და მამაოს კამერაში არ შევიდა, რომ გამოვიდა მამაომ მოითხოვა ოფიციალურად, იფიქრა რომ ბადრაგებმა არ შემოუშვეს და მათ თქვეს, რომ მეუფე ნიკოლოზმა უარი განაცხადა შენთან, რომ შემოსულიყოო... ",- ამბობს მეუფე პეტრე "დღის სტუმარში".