საპარლამენტო უმრავლესობის წევრი და ვიცე-სპიკერი დავით სერგეენკო ნაციონალური მოძრაობის თავმჯდომარის ნიკა მელიას მიერ გირაოს გადახდაზე უარის თქმას ეხმაურება და აცხადებს, რომ საკითხი მარტივი არ არის, რადგან მართლმსაჯულებასთან ერთად პოლიტიკური დატვირთვისაა. თუმცა, მისი შეფასებით, კანონის წინაშე ყველა თანაბარია და ყველა პოლიტიური თანამდებობის მიუხედავად ის ყველამ თანაბრად უნდ დაიცვას:

“ეს საკითხი მარტივი არ არის, რადგან მართლმსაჯულებასთან ერთად პოლიტიკური შემადგენელია ძალიან დიდი. რაც არ უნდა ბანალურად ჟღერდეს, ჩემი ღრმა რწმენით, კანონი ყველამ თანაბრად უნდა დაიცვას ოპოზიციის, პოზიციის და პოლიტიკური თანამდებობის მიუხედავად. პარლამენტი რა საკითხს დააყენებს, ეს დამოკიდებული იქნება საგამოძიებო ორგანოების დასკვნაზე და მომართვაზე”,- განაცხადა სერგეენკომ.

შეგახსენებთ, რომ 5 თებერვალს გირაოს გადაუხდელობის გამო ნიკა მელია პროკურატურაში დაიბარეს. როგორც ენმ-ს თავმჯდომარემ განაცხადა, უსამართლო სახელმწიფოს პირობებში ის გირაოს თანხის გადახდას არ აპირებს.