მას შემდეგ, რაც რესპუბლიკური პარტიის ლიდერებმა თამარ კორძაიამ და ხათუნა სამნიძემ პარლამენტში ერთჯერადად შესვლა და საარჩევნო კანონმდებლობის ცვლილებაზე ხმის მიცემა გადაწყვიტეს, ამ გადაწყვეტილებას ძირითადად ნეგატიური დამოკიდებულება მოყვა არა მარტო ოპოზიციურ სპექტრში, არამედ მმართველ გუნდში. მამუკა მდინარაძემ რესპუბლიკელების გეგმას ბავშვური თამაში უწოდა.

ამ განცხადების შემდეგ თამარ კორძაიამ განაცხადა, რომ "თემა ამოიწურა" და არლამენტში ერთჯერადად აღარ შევლენ, რადგან ოცნება კომპრომისზე არ წავიდა:

"ამ განცხადებამ აჩვენა, რომ ქართული ოცნება კვლავინდებურად კედელაღმართული დგას, არანაირ კომპრომისზე წამომსვლელი არ არის. ინიციატივის კომპონენტი იყო პოლიტიკური პარტიების საერთო თანხმობის შემთხვევაში ამის გაკეთება.

პოლიტიკურმა პარტიებმა გამოხატეს პოზიცია, რომ ისინი მხოლოდ და მხოლოდ ვადამდელი არჩევნებისა და ამას მოყოლებული საარჩევნო კანონმდებლობის ცვლილებების ფარგლებში არიან მზად, შევიდნენ და ხმა მისცენ, შესაბამისად ვფიქრობ, თემა უკვე ამოიწურა და ამ ფორმით, ამ საკითხზე საუბარი რთული იქნება, ქართული ოცნებაც კი არ წამოვიდა არანაირ კომპრომისზე", - განაცხადა კორძაიამ.