ომანში ჩარჩენილი ქართველი მეზღვაურები, რომლებსაც პორტში გაჩერებული გემის დატოვების უფლება არ აქვთ, უკვე მესამე თვეა დახმარებას უშედეგოდ ითხოვენ. როგორც ერთ-ერთი მეზღვაური ზურა თურმანიძე აცხადებს, გემზე არც საკვებია, არც მედიკამენტი, 14 პირი კი მძიმე მდგომარეობაშია:

"გემზე არ არის არც საკვები, არც მედიკამენტები. 4 პიროვნებას დაგვჭირდა სამედიცინო დახმარება. გემზე დარჩენილია 14 პირი, რომლებიც მძიმე მდგომარეობაში არიან. პრობლემის შესახებ 25 დეკემბერს საელჩოს ვაცნობეთ. დაგვპირდნენ, რომ პრობლემას უახლოეს დღეებში მოაგვარებდნენ, მაგრამ დღემდე ვერ მოახერხეს ჩვენი სახლში დაბრუნება" - აცხადებს ზურა თურმანიძე.

საზღვაო ტრანსპორტის სააგენტოში განმარტავენ, რომ ყველა ჩართულ ქართულ მხარესთან მუშაობენ, რათა დროულად მოხდეს მეზღვაურების სამშობლოში დაბრუნება.