კარტოგრაფების საქმე - პროკურატურა ივერი მელაშვილის საჯარო ინტერვიუების საქმის მასალებისთვის დართვას ითხოვს.მელაშვილი ამბობს, რომ ის, რაც საჯაროდ ილაპარაკა, არც აღიარებითი ჩვენება ყოფილა და არც დანაშაულებრივი ქმედების გამართლება.

კარტოგრაფები და მათი უფლებადამცველები დამატებითი მტკიცებულებების შეგროვებასა და უდანაშაულობის დასამტკიცებლად მუშაობას განაგრძობენ.

"პროკურატურა ცდილობს, რომ ყველა განცხადება გამოიყენოს თავის სასარგებლოდ... ძალიან ცუდად გაიგეს, ამოჭრილი იყო. მე საუბარი მქონდა მხოლოდ იმაზე, რომ ხმამაღალი, პოპულისტური განცხადებები ვნებს დელიმიტაციის პროცესს", - ამბობს მელაშვილი.

მტკიცებულებების დასაშვებად ცნობის საკითხი 16 თებერვალს, სასამართლოზე განიხილება.