ანტიოკუპაციური მოძრაობა "ძალა ერთობაშიას" დამფუძნებელი და ლიდერი დავით ქაცარავა შსს-ში დაიბარეს. როგორც თავად ქაცარავა აცხადებს, ის გამოკითხვის მოტივით დაიბარეს გომელაურის უწყებაში:

"დამიკავშირდა და მითხრა, რომ კომენდანტის საათის დროს აქციაში მონაწილეობის გამო დაწყებულია სამართალწარმოება და მკითხა, შემეძლო თუ არა საგამოძიებო უწყებაში მისვლა, სადაც უნდა გამოვეკითხეთ და დავეჯარიმებინეთ. მე ვუპასუხე, რომ უკვე დაგეგმილი მქონდა დღე და მისვლას ვერ შევძლებდი. პასუხი იყო, რომ შესაბამის შეტყობინებას წერილობით გამომიგზავნიდნენ", - განუცხადა ქაცარავამ "მთავარის" ჟურნალისტს.