"ოპოზიციას არანაირი საპროტესტო მუხტის გამოწვევისა და ტემპერატურის აწევის თავი არა აქვს... თუ არჩევნების გაყალბების დამადასტურებელი ფაქტები აქვთ, დადონ"- ოხანაშვილი

პოლიტიკა - 14:49, 10 Feb, 2021

932

"ქართული ოცნების" დეპუტატი ანრი ოხანაშვილი ტელეკამერების წინ ამბობს, რომ "ოპოზიციას არანაირი საპროტესტო მუხტის გამოწვევისა და ტემპერატურის აწევის თავი არა აქვს, მით უფრო ზაფხულში, როცა უფრო ეთბილება".

„მუხტის აწევა თუ უნდოდათ, ზამთარშიც კარგად აწევდნენ, თუმცა არ გამოსდით და ვერც გამოვა, რადგან ქართველმა ხალხმა არჩევნების გზით გადაწყვიტა, ხელისუფლებაში ვისი ყოფნა სურს და ვისი ყოფნა სურს ოპიზიციაში. მათ ლიმიტი ამოეწურათ და ოპიზიციაში ყოფნის თავი არა აქვთ, რაც მათი პრობლემაა“, - განაცხადა დეპუტატმა.

ის ოპოზიციის მიმსამართით ამბობს, რომ "თუკი ოპოზიციას არჩევნების გაყალბების დამადასტურებელი ფაქტები აქვს, დადონ და საზოგადოებას საჯაროდ აჩვენონ".

მისი თქმით, ოპონენტები "იმას ვერ ამბობენ, რომ ფაქტები არა აქვთ და ცდილობენ, ეს სხვანაირად შეფუთონ".

ამასთან, ოხანაშვილი განმარტავს, რომ პარლამენტის დროებით საგამოძიებო კომისიის წინაშე წარსდგომა სავალდებულოა და არავის აქვს უფლება, კომისიაში მისვლაზე უარი თქვას, რადგან ეს არის სისხლის სამართლის პასუხისმგებლობას იწვევს.