ახალქალაქის, კუმურდოსა და კარის მიტროპოლიტის მეუფე ნიკოლოზის განცხადებით, ჭყონდიდელი მიტროპოლიტის პეტრე ცაავას საკითხს მინდა სინოდი არ განიხილავს. მეუფეს განმარტებით, იმისათვის, რომ სინოდმა მისი საკითხი განიხილოს, პეტრე ცაავამ წერილობით უნდა მიმართოს მას:

"არ არის სწორი, ის მღვდელმთავარი, ეპისკოპოსია, დროებით შეჩერებული აქვს სტატუსი და ტელევიზიებში და სოციალურ ქსელებში არ უნდა ითხოვოს განხილვა, უნდა ითხოვოს წმინდა სინოდისადმი წერილობით მიმართვაში და, ასეთი წერილი, რამდენადაც მე ვიცი, არ შემოსულა. თუ მეუფე პეტრეს უნდა, რომ მისი საკითხი იყოს განხილული, უნდა დაწეროს წერილი და მიმართოს წმინდა სინოდს - წესია ეკლესიაში ასეთი", - ამბობს ახალქალაქის, კუმურდოსა და კარის მიტროპოლიტი, მეუფე ნიკოლოზი.

მეუფე პეტრემ მისთვის მღვდელმთავრის სტატუსის დროებით შეჩერებიდან 16 თვის თავზე სინოდზე მისი საკითხის განხილვა სატელევიზიო ინტერვიუს დროს მოითხოვა.