პრემიერმინისტრი გიორგი გახარია პოზიციებს იძლიერებს და რეგიონებში საკუთარ კადრებს ნიშნავს.

დღეის მდგომარეობით მთავრობის მეთაურის გადაწყვეტილებით, 4 რეგიონში ახალი სახელმწიფო რწმუნებულები დანიშნა.

გურიის რეგიონში სახელმწიფო რწმუნებულის თანამდებობას გიორგი სახოკია დაიკავებს. სახოკია გახარიას მარჯვენა ხელია, ის დღემდე საქართველოს მთავრობის ადმინისტრაციის უფროსის მოადგილე იყო.

2014 წლიდან გიორგი სახოკია მუშაობდა შინაგან საქმეთა სამინისტროში სხვადასხვა თანამდებობაზე, მათ შორის - იყო ადმინისტრაციის უფროსი, ადმინისტრაციის უფროსის მოადგილე, საჯარო ინფორმაციის სამმართველოს უფროსი. 2013-2014 წლებში საქართველოს იუსტიციის სამინისტროს სერვისების განვითარების სააგენტოში შიდა აუდიტის სამსახურს ხელმძღვანელობდა. გიორგი სახოკია პროფესიით სამართალმცოდნეა, განათლება მიღებული აქვს ივანე კავახიშვილის სახელმწიფო ინივერსიტეტში.

შიდა ქართლის რეგიონში სახელმწიფო რწმუნებულად დაინიშნა მამუკა საღარეიშვილი.

მამუკა საღარეიშვილი 2005 წლიდან, შინაგან საქმეთა სამინიტროში სხვადასხვა თანამდებობაზე მუშაობს. იგი 2015 წლის ოქტომბრიდან 2018 წლის აგვისტომდე შინაგან საქმეთა სამინისტროს შიდა ქართლის პოლიციის დეპარტამენტის დირექტორის მოადგილე, ხოლო შემდეგ შიდა ქართლის პოლიციის დეპარტამენტი დირექტორი იყო.

2018 წლის სექტემბრიდან იყო თბილისის პოლიციის დეპარტამენტის დირექტორის მოადგილე, ხოლო 2020 წლის აპრილიდან - სამცხე-ჯავახეთის პოლიციის დეპარტამენტის დირექტორის მოადგილე.

რაჭა-ლეჩხუმ-ქვემო სვანეთში სახელმწიფო რწმუნებული პარმენ მარგველიძე იქნება. პარმენ მარგველიძე 2013-2017 წლებში აღნიშნულ რეგიონში სახელმწიფო რწმუნებული უკვე იყო. ასევე იყო მომსახურების დეპარტამენტის უფროსის მოადგილე, ქუთაისის სერვისცენტრის უფროსი, უბნის ოფიცერთა სამმართველოს იმერეთისა და რაჭა-ლეჩხუმის სექტორის უფროსი, მომსახურების სამმართველოს ამბროლაურის სერვისცენტრის უფროსი, გადასახადების ადმინისტრირების სამმართველოს ამბროლაურის განყოფილების უფროსი.

მცხეთა-მთიანეთის რეგიონში სახელმწიფო რწმუნებულის თანამდებობას დავით ნოზაძე დაიკავებს. დავით ნოზაძე პროფესიით იურისტია, მას განათლება მიღებული აქვს ივანე ჯავახიშვილის სახელობის სახელმწიფო უნივერსიტეტში. დავით ნოზაძეს აქვს როგორც საჯარო, ისე კერძო სექტორში მუშაობის გამოცდილება. სხვადასხვა პერიოდში იგი მუშაობდა არასაპატიმრო სასჯელთა აღსრულებისა და პრობაციის ეროვნული სააგენტოში, მათ შორის ასრულებდა სააგენტოს უფროსის მოვალეობას, იყო სააგენტოს თბილისის პრობაციის ბიუროს უფროსი, უწყების იურისტი, 2004-2010 წლებში კი კერძო სექტორში საქმიანობდა.

ცნობილია, რომ ბიძინა ივანიშვილის წასვლიდან ერთ თვეში მმართველი პარტიაში "მონასტერი აირია".

პარტიაში უმწვავესი შიდა დაპირისპირებაა. მხარეები კი რამდენიმე კლანებად არიან დაყფილები. ყველაზე თვალსაჩინო მაინც გახარი-კობახიძის დაპირისპირებაა.
წყარო მმართვალი პარტიიდან ჰყვება, რომ პარლამენტის გადაყენებული თავმჯდომარე პრემიერ-მინისტრის მოშორებას აქტიურად ცდილობს. როგორც გვეუბნებიან, კობახიძეს გაპრემიერება სურს და ეს თავად გახარიამაც კარგად იცის.

აღსანიშნავია, რომ დღეს, მმართველი პარტიის ახალმა თავმჯდომარემ, მოულოდნელად პოლიტ საბჭოს სხდომა გამართა, თუმცა მას გახარია არ დასწრებია.

"ნოუპოსტის" ინფორმაციით, გახარიას გაშვებას გაზაფხულზე აპირებენ.