ზუსტად ამ დღეს ედურად შევარდნაძის მკვლელობა სცადეს - ყველაზე გახმაურებული ტერორისტული იერიშიდან 23 წელი გავიდა

პოლიტიკა - 12:14, 09 Feb, 2021

1285

დღეს, 9 თებერვალს საქართველოს მეორე პრეზიდენტზე ედუარდ შევარდნაძეზე თავდასხმიდან 23 წელი გავიდა. 1998 წლის 9 თებერვალს მასზე ტერორისტული იერიში მეორედ მიიტანეს. პირველად მისი ლიკვიდაცია 1995 წლის 29 აგვისტოს სცადეს, თუმცა ორივე მცდელობა უშედეგო აღმოჩნდა.

1998 წლის 9 თებერვალს, ღამით 300 არაგველის ძეგლთან დიდი სიჩქარით მიმავალ შევარდნაძის ესკორტს, რომელშიც 9 ავტომობილი იყო, ზვიად გამსახურდიას მომხრე ეროვნული გვარდიის ქართველმა და ჩეჩენმა მებრძოლებმა ცეცხლი გაუხსნეს. ტანკსაწინააღმეგო ჭურვი იმ ავტომობილის წინა ნაწილს მოხვდა, სადაც პრეზიდენტი იჯდა. მანქანა ჯავშნიანი იყო და აფეთქებას გადაურჩა, თუმცა, დარტყმის ძალამ ის მოასრიალა. ძრავაში გაჩენილი ცეცხლის მიუხედავად, მძღოლმა სვლა განაგრძო.

ცეცხლმოკიდებულმა ავტომობილმა 200 მეტრამდე მანძილის გავლა შეძლო დ გრიშაშვილის ასახვევზე საგზაო პოლიციის მანქანასთან გაჩერდა. პრეზიდენტი პოლიციის ავტომობილში გადასვევს და კრწანისის რეზიდენციაში აიყვანეს.

პრეზიდენტზე თავდასხმის შედეგად დაიღუპა მისი დაცვის ერთი წევრი. ორმხრივი სროლის დროს დაიღუპა ასევე ჩეჩენი მებრძოლი. როდესაც პრეზიდენტის ავტომობილს ცეცხლი გაუჩნდა, თავდამსხმელებმა ჩათვალეს, რომ შევარდნაძე მოკლეს და დანაშაულის ადგილს დაუყონებლივ გაეცალნენ.
აღნიშნული თავდასხმიდან გამომდინარე, 9 თებერვალი ტერორიზმისა და დივერსიული საქმის ისტორიაში შევიდა, როგორც უპრეცედენტო თავდასხმის დღე.