სტიქია რაჭაში - ამბროლაურის მუნიციპალიტეტის სოფელ ღვარდიაში კლდის მასის ჩამოშლის გამო სოფელთან მისასვლელი გზა ჩაიხერგა და ახლა 15 ოჯახი გარესამყაროსაა მოწყვეტილი.

გაწმენდითი სამუშაოები დღესვე უნდა დაიწყოს. ადგილზე ჩასვლას გეოლოგებიც გეგმავენ, რათა ვითარებას ადგილზე გაეცნონ და მათი რეკომენდაციით, დამატებითი საფრთხეების თავიდან აცილების მიზნით, დაიწყოს გზის წმენდა:

"15 ოჯახია მოწყვეტილი, მოყწდა ძალიან დიდი ქვის მასალაა, სულ ჩაკეტა გასასვლელი გზა. ეს კლდის ნაწილი უნდა აფეთქდეს, რომ ზემოდან რომ იყო საშუალება შემოსვლის, რომ შემოდიოდეს ტრაქტოი, ვერცერთნაირად ვერ მოუდგება", - განაცხადა ერთ-ერთმა ადგილობრივმა.

კლდის მასის ჩამოშლის მიზეზად უხვი ნალექი სახელდება. რაჭაში წვიმიანი ამინდი დღესაც მოსალოდნელია.