ზურაბ ჯაფარიძემ მისთვის მანდატის შენარჩუნება8 თებერვალს საკონსტიტუციო სასამართლოში გაასაჩივრა. მისი განცხადებით, მანდატის ქონის გამო საგანმანათლებლო საქმიანობის გარდა სხვა არაფრის კეთების უფლება აქვს. ჯაფარიძის განმარტებით, ხელისუფლების მხრიდან ამგვარი საქციელი არაკონსტიტუციურია:

"დაახლოებით ორი თვე იქნება რაც განცხადება დავწერე და მოვითხოვე მანდატის გაუქმება. რაზეც პარლამენტმა უარი მითხრა. ეს არ არის მხოლოდ მანდატის საკითხი. მანდატთან ერთად მე შეზღუდული მაქვს სხვადასხვა უფლებები, საგანმანათლებლო საქმიანობის გარდა არაფრის კეთების უფლება არ მაქვს იმის გამო, რომ ფორმალურად მანდატი არ გამიუქმეს. გარდა ამისა სახელმწიფო ჩემგან ითხოვს დეკლარაციის ჩაბარებას და ჩაუბარებლობის შემთხვევაში ჯერ ჯარიმას დამაკისრებენ, შენმდეგ კი სისხლის სამართლის პასუხისმგებლობას. ეს ყველაფერი არაკონსტიტუციურია, ეს სიგიჟეა რომ ადამიანს ავალებდე გინდა თუ არა აქ იმუშავეო"- განაცხადა ზურაბ ჯაფარიძემ.

შეგახსენებთ, რომ ოპოზიცია საკუთარი მანდატების გაუქმებას არჩევნების შემდეგ ითხოვს, თუმცა საპარლამენტო უმრავლესობამ წინა სხდომაზე ეს საკითხი ჩააგდო და 51 დეპუტატიდან მანდატი არცერთს არ გაუუქმა.