აქცია მარნეულის მუნიციპალიტეტში - სოფელ დაშტაფას მოსახლეობა ითხოვს ელემენტარული საყოაცხოვრებო პრობლემების მოგვარებას.

ადგილობრივები აცხადებენ, რომ სოფელში არ დგას ნაგვის ყუთები, არ მიეწოდებათ სარწყავი წყალი, სოფლის მეურნეობა კი მათთვის შემოსავლის ერთადერთი წყაროა.

მიუხედავად იმისა, რომ მარნეულის ბიუჯეტი 40 მილიონია მოსახლეობის თქმით, ამ სოფლისთვის ერთი თეთრიც არ იხარჯება - მათივე თქმით, იმიტომ ისჯებიან, რომ ოპოზიციას უჭერენ მხარს.

"ყველა არჩევნების წინ მოდიან სოფელში, გვპირდებიან, რომ სარწყავი წლის პრობლემას მოაგვარებენ, თუმცა წლები გავიდა და დავრჩით ასე. სოფელში არც ნაგვის ურნები არსებობს და ამის გამო ანტისანიტარიაა. წელს ბევრმა გლეხმა მიწაც ვერ დაამუშავა, სოფელში არც ამბულატორია არსებობს, ეს სოფელი ისჯება იმის გამო, რომ ოპოზიციას უჭერს მხარს", - თქვა ერთ-ერთმა ადგილობრივმა.

აღსანიშნავია, რომ მიუხედდავად პრიტესტისა ხელისუფლების მხრიდან მოსახლეობას დღეს არავინ შეხვედრია - ადგილობრივები მზად არიან, რომ თუ პრობლემა არ მოგვარდება აქციები გააგრძელონ.