ნიკა მელიას ადვოკატის გიორგი კონდახაშვილის განცხადებით, ნაციონალური მოძრაობის თავმჯდომარის მიმართ სამართლებრივ დევნას სამართალთან არანაირი კავშირი არ აქვს და ეს პოლიტიკური რეპრესიების გაგრძელებაა. კონდახაშვილი განმარტავს, რომ გირაოს გადახდის ვადა 23 დეკემბერს ამოიწურა და ორი თვის განმავლობაში ეს არავის გახსენებია:

"სასამართლომ განუსაზღვრა 50-დღიანი გადახდის ვადა, რომელიც 23 დეკემბერს გავიდა, თუკი კანონიდან გამომდინარე ხელმძღვანელობს პროკურატურა და აღნიშნულ საქმეს საფუძვლად უდევს სამართალი, 2 თვის განმავლობაში არავის გახსენებია ეს საქმე, არავითარ დამძიმებაზე არ იყო საუბარი. პოლიტიკური მიზანშეწონილობით აქტიურდება პროკურატურა", - განაცხადა გიორგი კონდახაშვილმა.

შეგახსენებთ, რომ ნიკა მელიასთვის პროკურატურის მიერ მიცემული ვადა იწურება, თუმცა ოპოზიციონერი ლიდერი გირაოს თანხის გადახდას არ აპირებს. შედეგად, მისი დაპატიმრება მხოლოდ იმ სემთვევაში გახდება შესაძლებელი, თუ სადეპუტატო უფლებამოსილება შეუწყდება, მმართველ გუნდში კი აცხადებენ, რომ მელიას სადეპუტატო იმუნიტეტის შეჩერებაზე აუცილებად ისჯელებენ.