"ქართული ოცნების" თავმჯდომარე , მამუკა მდინარაძე აცხადებს, რომ არჩევნები არ გაყალბებულა მეტიც, მისივე თქმით , არც არასდროს უცდიათ.

მდინარაძე აცხადებს, რომ ოპოზიცია მტკიცებულებებს ვერასდროს წარადგენს და უბრალოდ ამბობენ, რომ თითქოს არჩევნები გაყალბდა.

"ვითომ რომ გაყალბდა [არჩევნები] და შემდეგ ეს გაყალბებული კიდევ რომ გაყალბდა ხელახლა, ეს აბსურდული არგუმენტები ხომ წარმოადგინეს. როგორ შეიძლება ეს? მათ აქვთ ძალიან დიდი გამოცდილება წარსულიდან გაყალბების, ჩვენ არ გვაქვს, არც გვიცდია არასდროს და იქნებ თავად თქვან. ეს 11 ათასზე მეტი მათი წარმომადგენლის ხელმოწერა კომისიებში კიდევ მეორედ გაყალბდა თუ ვინმემ მიიყვანა და იძულებით და დაშინებით მოაწერინა ხელი ამ ადამიანებს? ამაზე პასუხს არ გვცემენ. თვითონაც იციან, როგორ ჩიხში არიან თავიანთი ლოგიკით შესულები. პასუხი და არგუმენტები მათი მხრიდან არ გვაქვს და ამიტომ, ისინი უბრალოდ ამბობენ, რომ არჩევნები თითქოს გაყალბდა. მტკიცებულებას ვერასდროს წარმოადგენენ" ,- აცხადებს მდინარაძე.