საოკუპაციო რეჟიმის ტყვეობაში მყოფი საქართველოს მოქალაქის , ზაზა გახელაძის, ოჯახი ძალიან რთულ დგომარეობაშია - გახელაძის შვილები, რომლებსაც უკვე 7 თვეა მამა არ უნახავთ, მშობლები და მეუღლე დახმარებას საქართველოს ხელისუფლებისა და საერთაშორისო საზოგადოებისგან ელოდებიან.

"მენატრება...როცა ვიძინებ მამაც მაშინ იძინებს და მე რომ ვემშვიდობები, მამაც ჩემზე ფიქრობს. ​12 წელი მისცესო ეგრე გავიგე მე და ბევრია. მამა რომ გამოვა მე უკვე 24 წლის ვიქნები... " - ამბობს ზაზა გახელაძის შვილი "პოსტ ფაქტუმთან".

შეგახსნებთ, რომ გახელაძეს საოკუპაციო რეჟიმის ე.წ. სასამართლომ 12 წლითა და 6 თვით პატიმრობა მიუსაჯა.