კორუფციის მორიგი ფაქტი - ყვარელში, არასასოფლო-სამეურნეო დანიშნულების მიწის ფართობი, რომელიც 2019 წლამდე სახელმწიფო საკუთრებაში იყო, "ქართულ ოცნებასთან" დაახლოებულ ბიზნესმენ, ვანო ლომიძის , სარესტორნო ბიზნესისთვის გადაეცა.

ინფორმაციას "ერთიანი ნაციონალური მოძრაობა" ავრცელებს - მათი განცხადებით, ხელისუფლებამ ტერიტორია წინასაარჩევნოდ გაწეული დახმარების სანაცვლოდ გასცა.

"ამით დასტურდება თუ რატომ სჭირდებათ ამ მავნებლებს არჩევნების მოპარვა, ის სიბინძურე, რასაც საარჩევნო კამპანიის დროს და არჩევნების დღეს აკეთებენ ხოლმე. იმის გამო, რომ მათ განაგრძონ მილიონების კეთება ხალხის ხარჯზე და ამ ბუნების ხარჯზე. აქ არის ისტორიული ძეგლები, რომლებსაც გარშემო შემოუთხარეს, გაანადგურეს ბუნება, ტყის მასივი გაანადგურეს.

ეს კეთდება ერთადერთი ადამიანისთვის, ეს არის ვანო ლომიძე, სოფელი ახალსოფლის მკვიდრი, რომელიც ყველაფერს აკეთებს იმისთვის, რომ ქართულმა ოცნებამ რამენაირად შეინარჩუნოს ხელისუფლება", - განაცხადა ბოტკოველმა.

ბიზნესმენი, მიწის მფლობელი , აღნიშნულ ფაქტს არ აღიარებს და ირწმუნება, რომ ფართი აუქციონზე შეიძინა.