საქართველოში ევროკავშირის ელჩი კარლს ჰარცელი საოკუპაციო რეჟიმის მიერ საქართველოს მოქალაქის ზაზა გახელაძის უკანონოდ დაპატიმრებას ეხმაურება და დე-ფაქტო ცხინვალს მოუწოდებს, დაუყონებლივ გაათავისუფლოს ის.

როგორც ჰარცელმა გახარიასთან გამართული შეხვედრის შემდეგ განაცხადა, ე.წ. ცხინვალის სასამართლოს მიერ გამოტანილი განაჩენი მკაფიოდ ცუდი სიგნალია:

"ეს არის საკითხი რაზეც თვეებია ვმუშაობთ. ამ პროცესში სხვადასხვა საშუალებას ვიყენებთ, იქნება ეს IPRM-ი, ცხელი ხაზი, თუ ჟენევის საერთაშორისო მოლაპრაკებები. ეს განაჩენი რასაც უკანონო დაკავება უძღოდა წინ არის მკაფიოდ ცუდი სიგნალი რაც ჩვენ სერიოზულად მივიღეთ. მოვუწოდებთ მათ დაუყონებლივ გაათვისუფლონ საქართველოს მოქალაქე. გავაგრძლებთ ამ საკითხზე მუშაობას," - განაცხადა კარლ ჰარცელმა.

შეგახსენებთ, რომ ოკუპირებული ცხინვალის ე.წ. უზენაესმა სასამართლომ საქართველოს მოქალაქეს ზაზა გახელაძეს 12 წლით და 6 თვით თავისუფლების აღკვეთა მიუსაჯა. გახელაძე დამნაშავედ რუსეთის სისხლის სამართლის კოდექსის 317-ე მუხლით (სამართალდამცავი ორგანოს თანამშრომლის სიცოცხლის ხელყოფა) და 322-ე მუხლით (სახელმწიფო საზღვრის უკანონოდ გადაკვეთა) ცნეს.