ნაციონალური მოძრაობის წევრი ხატია დეკანოიძე ევროპარლამენტარების წერილს ეხმაურება და მას დიპლომატიურ შემოლაწუნებად აფასებს. დეკანოიძის თქმით, სტრატეგიურლი პარტნიორების გზავნილი ღია დაცინვა იყო:

"პრაქტიკულად, მე ვიტყოდი, რომ ყველაზე უფრო დიდი და ღია დაცინვა იყო, ძალიან კარგი დიპლომატიური შემოლაწუნებაც "ქართული ოცნებისთვის" და თეა წულუკიანისთვის", - განაცხადა ხატია დეკანოიძემ

შეგახსენებთ, რომ ევროპარლამენტერებმა საქართველოს პარლამენტის თავმჯდომარეს არჩილ თალაკვაძეს წულუკიანის მხრიდან ნიკა გვარამიას ნომრის გაჟღერებასთან დაკავშირებით წერილი გამოუგზავნეს, სადაც იუსტიციის ყოფილი მინისტრის საქციელი უსიამოვნოდ და არაეთიკურად შეაფასეს, რომელმაც პირადი ცხოვრების ფუნდამენტური უფლება დაარღვია. წერილში ევროდეპუტატები თალაკვაძეს პარლამენტის თავმჯდომარის ფუნქციას ახსენებენ და მოუწოდებენ, რომ საკანონმდებლო ორგანოში წესიერების მაღალი ხარისხი დაამყაროს..