კორონავირუსის გამო დაწესებული შეზღუდვებს დაუმორჩლებლობას გიდებიც უცხადებენ და დღეიდან მათ მუშაობა თითნებურად განაახლეს. ამ დროისთვის კი სამი სხვადასხვა ტური იმართება თბილისში:

"ერთი წელია, ტური არ ჩატარებულა. ერთი წელია, ხალხი შემოსავლის გარეშეა. ყველაზე უხეში დათვლებით, 5000-დან 7000-მდე მერყეობს ამ სფეროში დასაქმებულთა რაოდენობა. ყველა მათგანის უკან ოჯახი და შვილები დგას". - განაცხადა გიდმა ალექსანდრე პაიკიძემ.

"ბოლოს ტური ჩავატარე 10 თებერვალს შარშან, 1 წლის წინ. ისეთი ემოცია მაქვს, თითქოს პირველად ვატარებ ტურს. 2002 თუ 2003 წელი იყო, როცა პირველად ვიყავი გიდი. თითქოს ისევ ისე ვარ. ამაში საშიში არაფერია. ეს არის საქართველოს ერთ-ერთი საუკეთესო რეკლამა. ბიზნესი, რომელიც ქვეყანას მესამედით არჩენდა, გაჩერებულია. ჩვენ გვინდა მუშაობა. არ ვითხოვთ სუბსიდირებას, ვითხოვთ მუშაობის უფლებას. საქართველოს გარდა, ყველა ქვეყანა ყიდის ტურებს" - აღნიშნა კიდევ ერთმა გიდმა.