"ჩოფანაშვილი ყურანზე არ დავაფიცე და სიტყვაზე ვენდე" - რა შედეგით დასრულდა შვილმოკლილი მამისა და გახმაურებული საქმის ფიგურანტის შეხვედრა?

საზოგადოება - 17:49, 05 Feb, 2021

1544

პანკისში ჩატარებული სპეცოპერაციის დროს მოკლჯული 19 წლის თემირლან მაჩალიკაშვილის მამა, მალხაზ მაჩალიკაშვილი დღეს ტერორიზმის ხელშეწყობისათვის დაკავებულ და დროზე ადრე გამოშვებულ ბაადურ ჩოფანაშვილს დღეს პირველად შეხვდა.
შეხვედრიდან გამოსული მაჩალიკაშვილი აცხადებს, რომ მისი შვილის წინააღმდეგ არსებული ჩვენებები გამოძიებამ ზეწოლით მოიპოვა. რაც შეეხება ბაადურ ჩოფიკაშვილს, მაჩალიკაშვილის თქმით მან თანასოფლელს ყურანზე არ დააფუცებინა და სიტყვაზე ენდო.

"მე ის ყურანზე არ დავაფიცე და სიტყვაზე ვენდე, რომ ჩვენებას ხელი ისე მოაწერა, არ წაუკითხავს. ჩოფანაშვილი თანახმა იყო, დაეფიცებინა ყურანზე, რომ ჩვენება, რომელიც მე ახლა ხელში მიჭირავს, არ წაუკითხავს. მე არ დავაფიცებინე, ვუთხარი, რომ ეს სასჯელი იქნებოდა. გორნაკაშვილმა წაიკითხა, არ მოაწერა და მიუსაჯეს 13 წელი. ეს ამბობს, რომ ბევრ დოკუმენტზე მოაწერინეს ხელი, არც იცოდა, მისი შინაარსი და არ იცნობდა თემირლანს. დავჯერდი სიტყვიერ დაფიცებას, რადგან ხელისუფლებამ ყველა ჩვენება ზეწოლით მოიპოვა. უნდა განახლდეს გამოძიება ხელახლა და ყველაფერი გაირკვეს",- თქვა მაჩალიკაშვილმა.

თავად ბაადურ ჩოფანაშვილმა, მედიასთან კონტაქტი არ ისურვა.

ჩოფანაშვილს, სასამართლომ 13 წლიანი პატიმრობა მიუსაჯა. სამი წლის შემდეგ, მან სასჯელაღსრულების დაწესებულება დატოვა.