პარლამენტში შესულმა ოპოზიციონერმა დეპუტატმა, "მოქალაქეების" ლიდერმა ალეკო ელისაშვილმა ჟურნალისტებთან საუბრისას განაცხადა, რომ ბოიკოტის რეჟიმსში მყოფ ბევრ ოპოზიციონერს სურს პარლამენტში შესვლა. როგორც მან აღნიშნა, აქვს საფუძლიანი ეჭვი, რომ ოცნება ოპოზიციის ზოგიერთ წარმომადგენელთან ფარულ მოლაპარაკებას მართავს:

„ძალიან ბევრ ოპოზიციონერს უნდა პარლამენტში შესვლა და ძალიან წვალობს - რას არ ამბობს, რომ როგორმე ადრე ნათქვამი სიტყვებიდან გამოძვრეს და პარლამენტში შემოვიდეს. ჩვენ არაფერი გვქონდა დასამალი და „ქართულ ოცნებას“ პირისპირ, კამერების თანდასწრებით შევხვდით. სხვები როგორც ჩანს, დახურულ კარს მიღმა, ჩუმ-ჩუმად ხვდებიან. მოვუწოდებ მათ, მართლა მოეშვან და საკითხს უფრო მეტი გაბედულებით მოეკიდონ“, - განაცხადა ელისაშვილმა.