"ძვირფასო ოპოზიციავ, სწორედ ასე დასრულდება ქართული ოცნება"

"ძვირფასო ოპოზიციავ, სწორედ ასე დასრულდება ქართული ოცნება" - გვარამია ოპოზიციას მიმართავს

პოლიტიკა - 16:32, 05 Feb, 2021

2993

"მთავარი არხის" გენერალური დირექტორი, ნიკა გვარამია ამბიბს, რომ ოპოზიციისგან სურთ, დღის წესრიგის შექმნა დაიწყონ. მისი თქმით, სწორედ ასე დასრულდება საქართველოში "ოცნება".
"ძვირფასო ოპოზიციავ, ჩვენ არ ველოდებით და არ მოვითხოვთ თქვენგან ასიათასიან მიტინგს (ყოველ, შემთხვევაში, ჯერ), არც ხელისუფლების მყისიერ გადაგდებას, არა. ჩვენ გვინდა (და არა - მოვითხოვთ), რომ დაიწყოთ პოლიტიკური დღის წესრიგის შექმნა და არ იყოს ალეკო ელისაშვილის და თეა წულუკიანის ტექსტები მთავარი განხილვის საგანი.
აი, ნაცმოძრაობის განახლება - პოლიტიკური დღის წესრიგის შექმნაა.
აი, ბათუმში მუდმივი აქცია (თავისუფლების კვარტალი) - პოლიტიკური დღის წესრიგის შექმნაა.
აი, სირცხვილიას აქციები, დაგეგმილიც (პროაქტიული) და სპორადულიც (რეაქტიული) - პოლიტიკური დღის წესრიგის შექმნაა.
აი, მოძრაობა საქართველოსთვის (2020ის სახელითაც იცნობენ) კარვები პარლამენტთან - პოლიტიკური დღის წესრიგის შექმნაა.
აი, გიორგი ვაშძის რეგიონებში სიარული - პოლიტიკური დღის წესრიგის შექმნაა.
აი, ნიკა მელიას ბრიფინგი - არ გადავიხდი, დამიჭირეთ, - პოლიტიკური დღის წესრიგის შექმნაა.სწორედ ასე დასრულდება ქართული ოცნება, რომელიც ისედაც თვითგანადგურების რეჟიმშია. მერე ის ასიათასიანი მიტინგიც იქნება და ყველაფერი დანარჩენიც.აბა თქვენ იცით! არ გაგვაწბილოთ! სხვისი იმედი არც გვაქვს და ვერც გვექნება - ხმა თქვენ მოგეცით, თქვენ აგირჩიეთ და ცვლილებებსაც თქვენგან ველით! მთავარი - ქვეყნის გადარჩენას და ბიძინასგან გაწმენდას, სიღარიბის და უსამართლობის დამარცხებას ველით, და ველით მხოლოდ თქვენგან! წარმატებებს გისურვებთ!ps ზოგჯერ კრიტიკაც უნდა აიტანოთ რომ დაიღლებით და ჩამოგეძინებათ, შემოგილაწუნებთ ხოლმე