არ გადავიხდი და ვერ დამიჭერთ! - ნიკა მელია გირაოს გადახდას არ აპირებს

პოლიტიკა - 15:02, 05 Feb, 2021

1436

ნაციონალური მოძრაობის თავმჯდომარემ ნიკა მელიამ პროკურატურაში დაბარების თაობაზე სპეციალური ბრიფინგი გამართა და განაცხადა, რომ სასამართლოს მიერ დაკისრებულ გირაოს თანხას არ გადაიხდის. როგორც მან განმარტა, პატისვ სცემს სახელმწიფო ინსტიტუტებს, თუმცა იმ მოცეუმოლობით, რომლითაც საგამოძებო უწყება შოთაძე-ფარცხალაძის, ხოლო სასამართლო მურუსიძე-ჩინჩალაძის საკუთრებაა და ქვეყანაში უსამართლობა სუფევს, ის აპირებს ბრძოლის გაგრძელებას, რადგან ყველას წინაშე მართალია:

"არ გადავიხდი და ვერ დამიჭერთ. აქვე მსურს, ვთქვა კიდევ უფრო მტავარი სათქმელი - მე ძალიან დიდ პატივს ვცემ სახელმწიფო ინსტიტუტებს, თუმცა, როცა ქვეყანაში პროკურატურა შოთაძე-ფარცხალაძის საკუთრებაა, როცა ქვეყანაში სასამართლო მურუსიძე-ჩინჩალაძის საკუთრებაა და პარლამეტი კობახიძე-გავრილოვის სახეს წარმოადგენს და ეს ყველა ფიგურანტი და ეს ყველა ე.წ. სახელმწიფო ინსტიტუტები თავის მხივ ივანიშვილის ჯიბეშია, მომიტევეთ, მაგრამ მე არანაირი მორალური უფლება არ მაქვს, მივიღო მონაწილეობა ამ სიყალბეში, გნებავთ, ამ ფარსში, ამიტომ, უნდა გვახსვდეს ყველას, რომ ჩვენი ბრძოლა არის ძალიან მართალი ბრძოლა. მე ამ ბრძოლაში ვარ მართალი, და ეს ჩემთვის ძალიან მნიშვნელოვანია, ეს არის ჩემი ენერგიის წყარო, ვიცი რა, რომ ამ ბრძოლაში ვარ მართალი მორალურად, მართალი ჩემი მომავალი თაობების წინაშე და ჩვენ ამ ბრძოლაში გავიმარჯვებთ. კიდევ ერთხელ ვიმეორებ - არ გადავიხდი და ვერ დამიჭერთ - ეს არის ყველაზე მტავარი სათქმელი, რაც მე ახლა მინდოდა მეთქვა თქვენთვის" - განაცხადა მელიამ.

შეგახსენებთ, რომ დღეს მთავარმა პროკურატურამ ნიკა მელია სასამართლოს მიერ დაწესებული გირაოს გადაუხდელობის გამო დაიბარა. საქმე ეხება 31 არჩევნების მომდევნო დღეს გამართულ აქციაზე სასამართლოს განჩინების საფუძველზე დაკისრებული ელექტრონული მონიტორინგისთვის განკუთვნილი სამაჯურის მოხსნას, რომლის გამოც სასამართლომ გირაოს სახით 40 ათასი ლარის გადახდა დააკისრა.