ვიცეპრემიერი მაია ცქიტიშვილი 20 ივნისის აქციის დარბევის დროს დაშავებულის, მაკო გომურის Facebook-პოსტს ეხმაურება, სადაც გომური წერს, რომ გერმანიაში გეგმურ ვიზიტზეა დაბარებული და სახელმწიფოს მხრიდან "კაციშვილი არ მოიძებნა, ვინც ამ ყველაფერს დაგეგმავს".

"როგორც იცით, მაკო გომურთან მიმართებით გვქონდა მკურნალობის კურსი დაფინანსებული, მკურნალობის ხარჯებზე ვეხმარებოდით ქალბატონ მაკოსაც და სხვა დაზარალებულებსაც. ეს ბატონ ავთანდილ თალაკვაძის პირადი პასუხისმგებლობა არ იყო, ეს არის ჯანდაცვის სამინისტროს ნება, გადაწყვეტილება და, რა თქმა უნდა, დახმარების პროგრამა მის მიმართ გაგრძელდება, ბუნებრივია...ვწუხვარ, რომ ამ უხერხულობას ჰქონდა ადგილი, თუ რამე იყო მსგავსი...." - თქვა ცქიტიშვილმა.