პარტია "მოქალაქეების" ლიდერის ალეკო ელისაშვილის განცხადებით, მას პარლამენტში სიტყვით გამოსვლის საშუალება არ მისცეს. როგორც ელისაშვილი განმარტავს, მას სურდა თალაკვაძის განცხადებაზე, რომელიც ბოიკოტს ეხებოდა, საკუთარი აზრი დაეფიქსირებინა:

„რაღაც სხვა საკითხის შემდეგ თქვეს, რომ სიტყვას მოგვცემდნენ. არჩილ თალაკვაძეს კატეგორიულად არ ვეთანხმები, რომ ბოიკოტს არ ჰქონდა აზრი, როგორც მან თქვა, არც თავიდან ჰქონდა და არც ახლა. მინდოდა, ამაზე რეაქცია მქონოდა და მეპასუხა, ამის საშუალება არ მომეცა. შემდეგ თალაკვაძემ ძალიან ამაყად ჩაიკითხა, მემორანდუმის პუნქტები – არჩევნები რომ თითის ანაბეჭდით ჩატარდება, რომ შრიხკოდი ექნება თითოეულ ბიულეტენს. ეს არის ზუსტად ბოიკოტის დამსახურება. “ქართულ იცნებას” ამის გაკეთება თუ უნდოდა, ხელს ვინ უშლიდა? 31 ოქტომბრის არჩევნები ასე რომ ჩაეტარებინათ, არანაირი ბოიკოტი და პროტესტი არ იქნებოდა”, - განაცხადა ელისაშვილმა.