ერთიანი ნაციონალური მოძრაობის ერთ-ერთი ლიდერის, სალომე სამადაშვილის განმარტებით, რომლითაც ის ამერიკის ელჩის განცხადებას პასუხობს, ოპოზიცია თავისი საქმიანობით ხალხის სამსახურშია და სწორედ იმ დაკვეთას ასრულებს, რაც საზოგადოებას სურს:

"სრულიად ვეთანხმები ელჩის განცხადებას, რომ ჩვენ უნდა მოვუსმინოთ ქართველ ხალხს, რომელსაც მათ შორის NDI-ს გამოკვლევით პირველ რიგში დემოკრატიულ, პლურალისტურ საზოგადოებაში ცხოვრება სურს და საკუთარი ბედის არჩევნების გზით განსაზღვრა.

ამიტომ, ჩვენ, ოპოზიცია რა პროცესშიც ვართ, რაიმე ამისგან განსხვავებულისთვის არ ვიბრძვით. ხალხს სურს პრობლემების გადაჭრა, მათ შორის იმის, რაზეც ქალბატონი ელჩი აპრლირებს - სოციალურ-ეკონომიკირი სალითხები და ამის გასაჭრელადაც სჭირდება ხალხს დემოკრატიული არჩევნები, რომ ამ გზით განსაზღვრონ ვის მიანდონ ქვეყანა სამართავად" - განაცხადა სამადაშვილმა.