ენმ-ს თავმჯდომარემ, ნიკა მელიამ გირჩის ერთ-ერთ ლიდერს, იაგო ხვიჩიას სათამაშო თოფი აჩუქა. საჩუქარი მან ხვიჩიას TV პირველის ეთერში გადასცა.
"ეს სათამაშო ყოფილა, ნაღდი მეგონა. სხვათა შორის, გუშინ უცნობმა მაჩუქა მელიის ტყავი. ახლა შენგან ეს საჩუქარი მექნება და ერთად დავკიდებთ", - თქვა ხვიჩიამ, რაზეც მელიამ უპასუხა:
"მოითხოვე და მიიღე".
ხვიჩიამ აღნიშნა, რომ მელიას საჩუქარი ჩაეთვალა. კითხვაზე შერიგდით, მან უპასუხა:
"პოლიტიკურ საკითხებთან ერთად ესეც მოგვარდება, იმიტომ, რომ პირადად, პიროვნული ჩვენს შორის არაფერი არ ყოფილა".
შეგახსენებთ, 25 იანვარს იაგო ხვიჩიამ თქვა, რომ ნიკა მელიასთან მას "ცუდი" სატელეფონო საუბარი ჰქონდა.
ხვიჩიას თქმით, მას მოეჩვენა, რომ მელია "დაემუქრა კიდეც".
იგი ამბობდა, რომ თუ ეს მართლა მუქარა იყო, იგი მიმართავს პარლამენტს, რომ თავის დაცვის მიზნით, იარაღის ტარების უფლება ჰქონდეს.
მასალის გამოყენების პირობები






