"მთავარი არხის" აღმასრულებელი დირექტორი, ნიკა გვარამია ეხმაურება , "ქართული ოცნების" დეპუტატის, თეა წულუკიანის მიერ პარლამენტის პლენალურ სხდომაზე მისი ტელეფონის ნომრის საჯაროდ გამოცხადებას და სახალხო დამცველს, ნინო ლომჯარიას , მიმართავს კითხვით "უფლებრივად რამდენაც სწორია მისი პირადი ინფორმაციის გასაჯაროვება".

"ახლა გასაგებია, რატომ განახლდა მხოლოდ ჩემი პროცესი და რატომ ეჩქარებათ ჩემი იზოლაცია - როგორც აღმოჩნდა, მე არ ვუშვებ ოპოზიციას პარლამენტში, აი, ასე, მონებად მყავს. რა შესანიშნავია ხოლმე ქალბატონი წულუკიანი თავის უკიდეგანო სიშტერეში. ნინო ლომჯარია, უფლებრივად რამდენად სწორია ჩემი პირადი ინფორმაციის გასაჯაროვება, ასევე რამდენადაა ეს მორიგი მტკიცებულება ჩემი პოლიტიკური დევნის, თქვენ გადაწყვიტეთ" - მიმართავს გვარამია ლომჯარიას.