"მოქალაქეების" ლიდერის, ალეკო ელისაშვილის განმარტებით, საქართველოში ითვლება, რომ თუ ოპოზიციონერი ხარ ხელისუფლება უნდა გძულდეს და პირიქითაც. მისი თქმით, ამ მხრივ განსაკუთრებით ცოდვილია და ხშირად ზედმეტად დაუნდობელიცაა.

ელისაშვილი აცხადებს, რომ პოლიტიკური პროცესი მთავარს უნდა ემსახურებოდეს, ხალხის პრობლემების მოგვარებას და მისივე თქმით, ეს ამ დარბაზში აკლდა ყოველთვის, ბავშვობიდან მოყოლებული.

"ჩვენთან ითვლება, რომ თუ ოპოზიციაში ხარ უნდა გძულდეს ხელისუფლება და თუ ხელისუფლებაში ხარ, უნდა გძულდეს და განადგურება უნდა გინდოდეს ოპოზიციის, მაგრამ, ჩემი აზრით, ამით იმდენად ვართ 30 წელია გართულები... ცოდვა გამხელილი სჯობს და მე განსაკუთრებით ვარ ცოდვილი ამ მიმართულებით, ხშირად დაუნდობელი ზედმეტადაც... რომ გვავიწყდება მთავარი, რომ პოლიტიკური პროცესი მთავარს უნდა ემსახურებოდეს, ხალხის პრობლემების მოგვარებას. ეს ამ დარბაზში მაკლდა ყოველთვის, ბავშვობიდან მოყოლებული", - თქვა ალეკო ელისაშვილმა საგაზაფხულო სესიის პლენარულ სხდომაზე ,სადაც ის დეპუტატის რანგში პირველადაა წარმოდგენილი.